Пружанскі раён Брэсцкай вобласці Беларусі захоўвае на сваёй тэрыторыі некалькі найважнейшых архітэктурных помнікаў і славутасцяў ўсёй Беларусі. Па-першае гэта Касцёл, Царква, гандлёвыя рады і сядзіба, размешчаныя ў саміх Пружанах, а таксама гістарычная забудова гэтага горада. Па-другое, менавіта на тэрыторыі Пружанскага раёна, у мястэчку Ружаны, размешчаны руіны велічнага палаца Сапегаў. Сярод мноства іншых культурна-гістарычных помнікаў і славутасцяў Пружанскага раёна можна сустрэць цэрквы, касцёлы, сядзібы і многае іншае.