Мінск - сталіца Беларусі, адміністрацыйны цэнтр Мінскай вобласці і Мінскага раёна, у склад якіх аднак не ўваходзіць, паколькі з'яўляецца самастойнай адміністрацыйна-тэрытарыяльнай адзінкай з асаблівым (сталічным) статусам. Мінск гэта найбуйнейшы транспартны вузел, палітычны, эканамічны, культурны і навуковы цэнтр Беларусі. У Мінску знаходзіцца штаб-кватэра СНД. Мінск гэта дзевяты па колькасці насельніцтва (без уліку прыгарадаў) горад у Еўропе. Горад Мінск размешчаны недалёка ад геаграфічнага цэнтра Беларусі і стаіць на рацэ Свіслачы. Забудова Мінска пераважна маладая, бо горад моцна пацярпеў у гады Вялікай Айчыннай вайны.

Тым не менш, у горадзе захавалася частка значных для горада гістарычных помнікаў і славутасцяў. Некаторыя ж будынкі былі адноўлены па чарцяжах, малюнках і фатаграфіях, якія захаваліся, напрыклад, будынак мінскай гарадской ратушы. Таксама да важнейшых славутасцяў і архітэктурных помнікаў Мінска адносяцца: Свята-Духаў кафедральны сабор; Кафедральны касцёл Найсвяцейшай Панны Марыі; Чырвоны касцёл, ён жа касцёл Святых Сымона і Алены; Траецкае прадмесце - упадабанае месца для прагулак турыстаў; Старадаўняя Петрапаўлаўская царква; Касцёл Святой Тройцы, ён жа касцёл Святога Роха. У Мінску таксама ёсць мноства больш сучасных архітэктурных помнікаў і славутасцяў такіх як: Нацыянальная бібліятэка, Забудова праспекта Незалежнасці, Сучасныя спартыўныя арэны і гэтак далей. Для турыстаў і падарожнікаў у Мінску функцыянуе мноства музеяў, тэатраў, паркаў, рэстаранаў, гандлёва-забаўляльных цэнтраў, гасцініц і іншага.