Парк культуры і адпачынку імя 900-годдзя горада Мінска - гэта адзін з самых маляўнічых паркаў сталіцы Беларусі. Гэты парк размешчаны ў паўднёва-ўсходняй частцы горада Мінска, у мікрараёне Чыжоўка, на беразе Чыжоўскага вадасховішча, утворанага на рацэ Свіслач. Гэта буйное вадасховішча прымыкае да парку 900-годдзя горада Мінска з дзьвух бакоў. Менавіта гэта і робіць дадзены парк адным з самых маляўнічых у Мінску. Шпацыр па гэтым парку ўздоўж берага Чыжоўскага вадасховішча з'яўляецца вельмі прыемным і заспакаяльным мерапрыемствам. Дадаткова падчас такога шпацыру Мінчане і госці сталіцы змогуць палюбавацца выдатнымі відамі на горад. Парк імя 900-годдзя горада Мінска быў заснаваны ў 1967 годзе, адпаведна ў год 900-годдзя горада Мінска. Парк гэты адносна невялікі. Зялёныя насаджэнні ў парку фармуюць у асноўным мясцовыя пароды дрэў і хмызнякоў.

У 2013 годзе парк імя 900-годдзя горада Мінска быў маштабна рэканструяваны. Цяпер інфраструктура парку даступная для адпачываючых ўключае ў сябе: некалькі атракцыёнаў, мноства дзіцячых гульнявых пляцовак, спартыўныя пляцоўкі з турнікамі і брусамі, баскетбольную і валейбольную пляцоўкі, пешаходныя, бегавыя і веладарожкі, паўнавартасныя грамадскія прыбіральні з вадаправодам, некалькі гандлёвых аб'ектаў з прадуктамі харчавання, мноства лавачак, назіральную пляцоўку, абсталяваныя месцы для адпачынку і іншыя малыя архітэктурныя формы. Уздоўж набярэжнай размясціліся драўляныя альтанкі, ценявыя навесы, ратонда і прычал. У парку маецца таксама пляцоўка для правядзення салютаў. Тэрыторыю парку ў цёмны час сутак асвятляюць антывандальныя свяцільні, на тэрыторыі ўсяго парку кругласутачна вядзецца відэаназіранне. Парк імя 900-годдзя горада Мінска з'яўляецца выдатным месцам для адпачынку, цікавай славутасцю і выбітнасцю, а таксама прывабным турыстычным аб'ектам. Дадатковых наведвальнікаў і турыстаў у парк імя 900-годдзя горада Мінска прыцягвае Чыжоўка-Арэна - шматфункцыянальны спартыўна-забаўляльны комплекс, размешчаны на тэрыторыі гэтага парку.