Камянецкі раён Брэсцкай вобласці Беларусі захоўвае на сваёй тэрыторыі некалькі найважнейшых архітэктурных помнікаў і славутасцяў ўсёй Беларусі. Па-першае гэта Камянецкая вежа, размешчаная ў самым Камянцы, а таксама гістарычная забудова гэтага горада. Па-другое, менавіта на тэрыторыі Камянецкага раёна, у вёсцы Камянюкі, размешчана адкрытая для турыстаў частка Белавежскай пушчы. Па-трэцяе, у горадзе Высокае захаваўся старажытны касцёл і палац. Сярод мноства іншых культурна-гістарычных помнікаў і славутасцяў Камянецкага раёна можна сустрэць цэрквы, касцёлы, сядзібы і многае іншае.