Івянец - гэта невялікі горад Валожынскага раёна, Мінскай вобласці Беларусі. У горадзе Івянец захавалася адносна шмат розных каштоўных славутасцяў. Цэнтральнай славутасцю горада Івянец з'яўляецца комплекс будынкаў каталіцкага кляштара францысканцаў, які маляўніча размясціўся на ўзгорку каля мясцовай рэчкі. Першапачаткова гэты кляштар у горадзе Івянец быў заснаваны ў 1702 годзе. За сваю гісторыю ён некалькі разоў зачыняўся свецкімі ўладамі, але на дадзены момант зноў дзейнічае.

Цэнтральнае месца ў архітэктурным комплексе кляштара займае касцёл Святога Міхаіла Арханёла, пабудаваны ў 1749 годзе. Гэты выдатны храм з'яўляецца адным з самых яркіх увасабленняў архітэктуры так званага «віленскага» барока на тэрыторыі Беларусі. Гісторыя гэтага касцёла ў горадзе Івянец такая: у 1832 годзе, пасля скасавання кляштара, касцёл стаў звычайным парафіяльным; ў 1863 годзе ён быў зачынены; у 1868 годзе - перададзены праваслаўным; ў 1920 - вернуты каталікам; у 1939 - сюды вярнуліся манахі і аднавілі таксама і кляштар; у 1948 - касцёл зноў зачынены, кляштар скасаваны, у далейшым будынак выкарыстоўваўся як крама і склад; ну і нарэшце ў 1990 годзе касцёл у горадзе Івянец зноў быў вернуты вернікам, сюды зноў вярнуліся манахі, і зноў такі аднавілі кляштар; ў 2003 годзе была распачата рэстаўрацыя, якая на дадзены момант ужо фактычна завершана і цяпер касцёл Святога Міхаіла Арханёла ў горадзе Івянец, разам з астатнімі манастырскімі будынкамі, знаходзіцца ў выдатным стане.

Акрамя касцёла ў склад кляштарнага комплексу ў горадзе Івянец ўваходзяць: жылыя карпусы (1749 года пабудовы), некалькі гаспадарчых пабудоў, агароджа з прыгожай брамай і кутняй вежай (пабудаваныя ў 18-ым стагоддзі), некалькі вельмі прыкметных скульптур, невялікі заасад, вялікая і шматфункцыянальная дзіцячая спартыўная пляцоўка, а таксама невялікае кафэ. Таксама трэба асобна адзначыць, што ў касцёле Святога Міхаіла Арханёла ў горадзе Івянец захоўваецца цудатворны абраз Божай Маці.

Комплекс будынкаў кляштара на чале з касцёлам Святога Міхаіла Арханёла ў горадзе Івянец з'яўляецца вельмі каштоўным архітэктурным помнікам, важнай культурна-гістарычнай каштоўнасцю і славутасцю Беларусі. Наведванне гэтага кляштара ўваходзіць у праграму многіх турыстычных і экскурсійных маршрутаў, таму тут бывае вельмі шмат турыстаў. Часта наведваюцца сюды і індывідуальныя падарожнікі. Тут праходзіць шмат розных мерапрыемстваў для моладзі. І сапраўды, пабываць у кляштары і касцёле ў горадзе Івянец вельмі прыемна і пазнавальна, тут пануе душэўная і прыміраваная, але пры гэтым таксама, як ні дзіўна, жывая і бадзёрая абстаноўка.

Іншай важнай славутасцю горада Івянец з'яўляецца яшчэ адзін каталіцкі храм - касцёл Святога Аляксея, пабудаваны ў 1907 годзе. Перад гэтым манументальным касцёлам у горадзе Івянец, які быў пабудаваны з чырвонай цэглы, таксама размешчана цікавая і старадаўняя брама. У 1947 годзе савецкая ўлада зачыніла дадзены касцёл. У 1962 годзе будынак быў пераабсталяваны ў архіў бібліятэкі. У 1989 годзе гэты касцёл у горадзе Івянец быў вернуты вернікам, а з 1990 года ў касцёле Святога Аляксея таксама пачалі служыць манахі-францішкане. На дадзены момант храм цалкам адноўлены і знаходзіцца ў выдатным стане, з'яўляецца культурна-гістарычнай каштоўнасцю і таксама актыўна адведваецца турыстамі, што наведаліся ў горад Івянец. За касцёлам Святога Аляксея ў горадзе Івянец размешчана яшчэ адна невялікая славутасць і архітэктурны помнік драўлянага дойлідства - каталіцкая капліца, пабудаваная ў сярэдзіне 19-га стагоддзя.

Наступнай цікавай славутасцю горада Івянец з'яўляецца царква Святой Еўфрасінні. Гэты сучасны храм размешчаны на цэнтральнай плошчы горада і ўжо зараз уяўляе некаторую цікавасць для пэўнага кола падарожнікаў па Беларусі.

Яшчэ адной невялікай славутасцю горада Івянец з'яўляецца комплекс будынкаў былой сядзібы. Будынкі якія ўваходзяць у склад гэтага сядзібнага комплексу ўзводзіліся ў канцы 19-га і пачатку 20-га стагоддзяў. Ад цэнтральнага будынка сядзібнага комплексу, г.зн. самога сядзібнага дома, захаваліся толькі руіны. Аднак, нядрэнна захаваліся, а ў нядаўні час былі нават адноўленыя і адрэстаўраваныя, будынкі стайні і свірану.

У горадзе Івянец маецца яшчэ некаторая колькасць гістарычных будынкаў, што былі ўзведзеныя у канцы 19-га і пачатку 20-га стагоддзяў, а таксама: гарадскі парк, некалькі невялікіх кафэ, крамы і іншая турыстычная інфраструктура. Па вуліцах горада Івянец вельмі прыемна не спяшаючыся прагуляцца, тут можна вельмі добра правесці выхадны дзень і азнаёміцца з важнымі славутасцямі. Па гэтых прычынах горад Івянец карыстаецца вялікай папулярнасцю ў турыстаў і падарожнікаў па Беларусі.