Брэсцкі раён багаты гістарычнымі помнікамі і славутасцямі, сярод якіх асобна вылучаюцца помнікі і турыстычныя аб'екты самага Брэста. Галоўнай славутасцю горада і ўсяго раёна з'яўляецца комплекс аб'ектаў Брэсцкай крэпасці. У свой час менавіта дзеля будаўніцтва Брэсцкай крэпасці была знішчана амаль уся астатняя гістарычная забудова Брэста. Таксама важнай славутасцю і турыстычным аб'ектам з'яўляецца музей «Бярэсце» размешчаны непадалёк ад Брэсцкай крэпасці. Таксама ў Брэсцкім раёне ёсць яшчэ некалькі вёсак у якіх захаваліся старадаўнія касцёлы, цэрквы або сядзібы, а таксама іншыя архітэктурныя помнікі і славутасці.