У некалькіх кіламетрах ад Вілейкі (Мінская вобласць, Беларусь) знаходзіцца вёска-музей Заброддзе. Заброддзе - маленькая ўтульная вёсачка, якая размяшчаецца на былой лініі фронту Першай Сусветнай Вайны, на беразе ракі Нарачанка. Дадзеная вёска-музей вядомая далёка за межамі Беларусі. Знакамітая яна тым, што ў ёй размешчаны адзіны ў Беларусі музей Першай Сусветнай Вайны; старыя дамы і прылады побыту беларусаў стогадовай даўнасці; капліца; музей рэтра аўта- і мотатэхнікі. Таксама ў ваколіцах вёскі-музея Заброддзе маецца шэраг іншых памятных месцаў, пахаванняў, стэл, крыжоў і камянёў, звязаных з падзеямі Першай Сусветнай Вайны. Усе музеі вёскі Заброддзе адчынены штодня з 10-00 да 19-00 без выхадных.

Перад тым як перайсці да больш дэталёвага апісання некаторых аб'ектаў у вёсцы-музеі Заброддзе неабходна таксама адзначыць, што ў гэтай вёсцы вельмі добра наладжаны турыстычны сэрвіс. Тут можна спыніцца на некалькі дзён і пажыць у арыгінальных старадаўніх вясковых хатах, можна наведаць лазню, можна арганізаваць невялікую ўрачыстасць у спецыяльна абсталяваных альтанках на беразе ракі, можна парыбачыць, пагуляць на савецкіх аўтаматах або пастраляць у ціры, можна пакатацца на рэтра-тэхніцы, байдарках ці паўдзельнічаць у велапрабегу, і нарэшце, можна правесці фотасесію ў ваеннай форме Першай Сусветнай Вайны і з рэтра-тэхнікай. У вёсцы-музеі Заброддзе таксама рэгулярна арганізоўваюцца розныя тэматычныя экскурсіі, туры і майстар-класы для дзяцей і дарослых.

Барысаглебская капліца

Барысаглебская капліца памяці ўсіх загінуўшых у ваенных дзеяннях у вёсцы-музеі Заброддзе была пабудавана ў 2006 годзе. Гэтая капліца пабудавана ў стылі драўлянага дойлідства 16-17 стагоддзяў. Дадзеная капліца размяшчаецца на беразе ракі Нарачанка. Гэтую капліцу часта наведваюць дзеці, унукі і праўнукі загінуўшых у Першай Сусветнай Вайне. Тут яны маюць магчымасць памянуць сваіх памерлых продкаў.

Музей побыту стогадовай даўнасці і кузня

Музей побыту ў вёсцы Заброддзе ўяўляе з сябе цалкам укамплектаваны экспанатамі дом 1890 года пабудовы. Кухня са сталовымі прыборамі, скрыні, ручнікі, рыдлёўкі для печы, гаршкі, фіранкі, адзенне і іншая сапраўдная начынне. Жылы пакой з мэбляй таго часу, ложкі, калыска, саламяныя матрацы, дровы ў печы, канапа, шафа, музычныя інструменты і фота. У двары дома-музея прадстаўлена экспазіцыя гужавога транспарту (сані, павозкі) беларускай вытворчасці і імпартуемых у Беларусь у перыяд з 1850 па 1930 гады. Экспанаты пастаянна абнаўляюцца.

Музей рэтра-тэхнікі

У музеі рэтра-тэхнікі ў вёсцы Заброддзе прадстаўлена больш за трыццаць адзінак добра адрэстаўраваных старадаўніх аўтамабіляў і іншай тэхнікі. Значная частка экспазіцыі прысвечана ваенным аўтамабілям і матацыклам. Сярод экспанатаў маюцца вельмі рэдкія машыны, якія захаваліся да нашага часу ўсяго ў некалькіх асобніках. Усе аўтамабілі, прадстаўленыя ў музеі адноўлены да такой ступені, што знаходзяцца на ўласным ходзе, на іх нават можна пакатацца (толькі ў якасці пасажыра). Калекцыя пастаянна папаўняецца новымі аўтамабілямі. Таксама ў музеі прысутнічаюць старадаўнія матацыклы, ровары і нават самалёт.

Музей Першай Сусветнай Вайны

Экспазіцыя, прадстаўленая ў дадзеным музеі ў вёсцы Заброддзе прысвечана падзеям Першай Сусветнай Вайны. Дадзены музей - адзіны ў Беларусі музей Першай Сусветнай Вайны. Тут знаходзіцца калекцыя арыгінальных прадметаў і дакументаў, якія адлюстроўваюць ваенныя будні. Старыя фатаграфіі дакументуюць той перыяд і маюць дачыненне да падзей, што адбываліся вакол вёскі Заброддзе. Таксама ў музеі маюцца: форма, нямецкія і рускія шлемы, элементы акопнага побыту, салдацкія кансервы, брытвы, ліхтарыкі, вялікая колькасць фотадакументаў з лініі фронту і іншае.