Сноў - гэта аграгарадок Нясвіжскага раёна, Мінскай вобласці Беларусі. У мястэчку Сноў захавалася даволі шмат выбітнасцяў і славутасцяў, асабліва па мерках такіх невялікіх гарадкоў. Больш за тое, сярод славутасцяў пасёлка Сноў маецца выбітны і сапраўды унікальны архітэктурны помнік. А менавіта, галоўнай славутасцю мястэчка Сноў з'яўляецца палацава-паркавы комплекс першай паловы 19-га стагоддзя. Цэнтральным будынкам комплексу з'яўляецца палац пабудаваны ў 1827 годзе. Раней у склад палацавага комплексу ўваходзіла таксама яшчэ мноства другарадных пабудоў і вялікі парк з вадаёмамі. На сённяшні дзень амаль усе другарадныя пабудовы палацавага комплексу страчаны альбо ў моцна перабудаваным выглядзе захаваліся ў якасці пасрэдных будынкаў сярод іншай забудовы пасёлка. Парк знаходзіцца ў занядбаным стане. А вось вадаёмы, таксама як і два стагоддзі таму, ўпрыгожваюць тэрыторыю вакол палаца ў мястэчку Сноў.
Палац у мястэчку Сноў з'яўляецца адным з найбуйнейшых і найвыбітнейшых палацаў на тэрыторыі Беларусі. Гэты палац таксама часта называюць адным з найпрыгажэйшых на Беларусі ўвасабленняў архітэктуры класіцызму. Палац расцягнуўся на 140 метраў у даўжыню. На момант пабудовы ў палацы было каля ста пакояў і памяшканняў. З гісторыі палаца ў мястэчку Сноў можна вылучыць такія ключавыя моманты: палац быў разрабаваны падчас Першай Сусветнай Вайны; у 1925 годзе апошні ўладальнік палаца ці то прадаў, ці то здаў палац у арэнду польскаму Корпусу аховы памежжа (мястэчка Сноў тады ўваходзіла ў склад Польшчы); затым да 1939 года ў палацы пражывалі польскія афіцэры і нават размяшчалася казіно; пасля Другой Сусветнай Вайны палац быў перададзены савецкім вайскоўцам. У другой палове 20-га стагоддзя ў розны час розныя сілавыя структуры эксплуатавалі будынак палаца пад разнастайныя патрэбы, напрыклад, пад жыллё, адміністрацыю, шпіталь і гэтак далей.
У 2010-ых гадах будынак палаца застаўся пуставаць. На сённяшні дзень будынак палаца ў мястэчку Сноў ўсё яшчэ знаходзіцца на балансе адной з сілавых структур. Палац ахоўваецца, ацяпляецца і пры неабходнасці рамантуецца, таму не руйнуецца, але ён і не эксплуатуецца. Палац знаходзіцца ў моцным стане, вонкавае аблічча палаца па большасці захавала сваю аўтэнтычнасць. А вось арыгінальныя планіроўкі і інтэр'ер амаль зусім страчаныя. На жаль, сам палац і прылеглая да яго тэрыторыя цалкам зачыненыя для наведвання. Турысты могуць убачыць палац толькі з вялікай адлегласці, прычым скрозь агароджу і расліннасць. Палацава-паркавы ансамбль у пасёлку Сноў з'яўляецца выбітным архітэктурным помнікам 19-га стагоддзя і культурна-гістарычнай каштоўнасцю Беларусі. А калі палац будзе адчынены для наведвання падарожнікамі, то ён стане яшчэ і адной з ключавых турыстычных славутасцяў і выбітнасцяў краіны.
Яшчэ адной важнай славутасцю пасёлка Сноў з'яўляецца касцёл Святога Яна Хрысціцеля. Гэты цагляны храм быў пабудаваны ў мястэчку Сноў ў 1760 годзе. Архітэктурны стыль касцёла - барока. У 1866 годзе, пасля паражэння народна-вызваленчага паўстання, касцёл быў перададзены Праваслаўнай Царкве і трохі перабудаваны. У 1921 годзе, калі мястэчка Сноў ўвайшло ў склад міжваеннай Польшчы, храм быў вернуты Каталіцкаму Касцёлу. Пазней касцёл у мястэчку Сноў моцна пацярпеў падчас Другой Сусветнай Вайны. У другой палове 20-га стагоддзя храм заставаўся ў паўразбураным стане і не эксплуатаваўся. У 1991 годзе касцёл у мястэчку Сноў вярнулі вернікам. Храм быў адноўлены ў 1994 годзе. На сённяшні дзень касцёл знаходзіцца ў выдатным стане і паўнавартасна функцыянуе ў якасці храма. Каталіцкі касцёл Святога Яна Хрысціцеля ў мястэчку Сноў з'яўляецца важнай выбітнасцю і славутасцю Беларусі, архітэктурным помнікам 18-га стагоддзя і культурна-гістарычнай каштоўнасцю краіны.
Наступнай цікавай славутасцю гарадка Сноў з'яўляецца царква Святых Казьмы і Дзям'яна. Гэты цагляны храм быў узведзены ў мястэчку Сноў па розных версіях альбо ў 1836 годзе, альбо ў 1846 годзе. Архітэктурны стыль царквы - класіцызм. На сённяшні дзень царква таксама знаходзіцца ў выдатным стане і паўнавартасна функцыянуе ў якасці храма. Праваслаўная царква Святых Казьмы і Дзям'яна ў мястэчку Сноў гэтаксама з'яўляецца цікавай славутасцю Беларусі, архітэктурным помнікам 19-га стагоддзя і культурна-гістарычнай каштоўнасцю краіны.
Ну і апошняй важнай славутасцю пасёлка Сноў з'яўляецца сядзібны комплекс 19-га стагоддзя. У склад сядзібнага комплексу, акрамя цэнтральнага сядзібнага дома, раней ўваходзіла мноства другарадных пабудоў, а таксама пейзажны парк. Да нашага часу захаваўся цэнтральны сядзібны дом, некалькі гаспадарчых пабудоў і фрагменты парку. Сядзіба ў мястэчку Сноў функцыянавала да 1939 года. Пасля Другой Сусветнай Вайны ў будынку сядзібы размясцілася адміністрацыя мясцовага сельскагаспадарчага прадпрыемства, гаспадарчыя і другарадныя пабудовы эксплуатаваліся тым жа прадпрыемствам. Пазней многія сядзібныя пабудовы яшчэ па некалькі разоў мянялі сваю ведамасную прыналежнасць. У наш час сядзібны дом у мястэчку Сноў не эксплуатуецца, пустуе і, хоць і павольна, але ўсё ж руйнуецца. Арыгінальныя інтэр'еры ўжо даўно цалкам страчаныя. Тым не менш, на бягучы момант будынак сядзібы яшчэ пакуль знаходзіцца ў дастаткова моцным стане. Таксама як палац, касцёл і царква, сядзіба ў пасёлку Сноў з'яўляецца архітэктурным помнікам, культурна-гістарычнай каштоўнасцю, выбітнасцю і славутасцю Беларусі.
Аграгарадок Сноў з'яўляецца дастаткова вялікім паселішчам, хоць раней ён меў статус вёскі. У мястэчку Сноў знойдзецца мноства аб'ектаў турыстычнай інфраструктуры і ўсе элементы базавай інфраструктуры. Акрамя крамаў рознага профілю, аддзяленняў банкаў, аптэк і іншага, тут маецца дом культуры, некалькі невялікіх музеяў, некалькі сціплых гасцініц, некалькі фізкультурна-аздараўленчых комплексаў і некалькі кафэ. Усе гэтыя інфраструктурныя аб'екты ў сукупнасці са шматлікімі славутасцямі і выбітнасцямі, сярод якіх маецца унікальны па сваёй каштоўнасці і архітэктуры палац, фармуюць у аграгарадку Сноў выдатную турыстычную атмасферу. Да гэтага трэба таксама дадаць, што пасёлак Сноў знаходзіцца ў рэгіёне Беларусі з найбольшай канцэнтрацыяй славутасцяў і архітэктурных помнікаў. Тут у радыусе некалькіх дзесяткаў кіламетраў можна сустрэць яшчэ вялікае мноства выдатных турыстычных аб'ектаў. Па ўсіх гэтых прычынах мястэчка Сноў з'яўляецца выбітным напрамкам для невялікай турыстычнай паездкі выхаднога дня.
Замалёўкі Напалеона Орды, Сноў:
