Лужкі - гэта вёска Шаркаўшчынскага раёна, Віцебскай вобласці Беларусі. Асноўнай славутасцю вёскі Лужкі з'яўляецца касцёл Святога Міхаіла Арханёла, які будаваўся з 1744 года па 1756 год. Першапачаткова касцёл у вёсцы Лужкі уваходзіў у склад кляштара, які быў заснаваны тут у 1741 годзе. Пасля паўстання 1830 года гэты кляштар, як і многія іншыя каталіцкія кляштары на тэрыторыі сучаснай Беларусі, быў зачынены. А ў 1843 годзе касцёл у вёсцы Лужкі быў перададзены Праваслаўнай царкве, трохі перабудаваны і пераабсталяваны. Пасля Першай Сусветнай Вайны, калі вёска Лужкі ўваходзіла ў склад Польшчы, храм зноў перайшоў да каталікоў. У 1949 годзе касцёл у вёсцы Лужкі быў зачынены савецкай уладай. Пазней будынак храма быў пераабсталяваны і выкарыстоўваўся як склад мінеральных угнаенняў. У канцы 1980-ых гадоў храм быў вернуты Каталіцкай царкве і адрэстаўраваны.

Касцёл у вёсцы Лужкі з'яўляецца вельмі яркім увасабленнем архітэктуры так званага «віленскага» барока. Гэты старадаўні і вельмі незвычайны касцёл моцна вылучаецца сярод астатніх храмаў Беларусі тым, што яго галоўны фасад стварае ўражанне быццам ён ўвагнуты ўнутр. Такі эфект дасягаецца за кошт таго, што дзве высокія вежы галоўнага фасаду размешчаны не ў адной плоскасці з ім, а павернутыя пад вуглом. У нашыя дні касцёл у вёсцы Лужкі цалкам адрэстаўраваны і з'яўляецца важным архітэктурным помнікам 18-га стагоддзя, гісторыка-культурнай каштоўнасцю і цікавай славутасцю Беларусі.

Таксама ў вёсцы Лужкі маецца і яшчэ адзін вельмі старадаўні храм. Гаворка ідзе пра царкву Раства Багародзіцы, пабудаваную ў 1794 годзе. Царква ў вёсцы Лужкі знаходзіцца ў добрым стане і таксама з'яўляецца важным архітэктурным помнікам канца 18-га стагоддзя, гісторыка-культурнай каштоўнасцю і цікавай славутасцю Беларусі. Тэрыторыя вакол царквы акружана каменнай агароджай. Цэнтральны ўваход ўпрыгожвае брама. Брама і агароджа датуюцца канцом 19-га стагоддзя. Дадзеная царква размешчана на цэнтральнай плошчы вёскі Лужкі. На гэтай жа плошчы маецца яшчэ некалькі іншых адметных гістарычных будынкаў, якія адносяцца да пачатку 20-га стагоддзя. Таксама ў вёсцы Лужкі адносна нядрэнна захаваўся цагляны вадзяны млын канца 19-га стагоддзя.