Бераставіцкі раён Гродзенскай вобласці Беларусі знаходзіцца на паўднёвым захадзе гэтай вобласці, мяжуе з Рэспублікай Польшча. Першае дакументальнае згадванне аб Вялікай Бераставіцы датуецца 1495 годам. Галоўнай славутасцю гэтага горада з'яўляецца касцёл Візітацыі Найсвяцейшай Панны Марыі. У Вялікай Бераставіцы захавалася яшчэ некалькі цікавых помнікаў гісторыі і культуры. На цэнтральнай плошчы, дзе калісьці стаяла гарадская ратуша, знаходзіцца касцёл кармелітаў, перабудаваны ў 1866 г. На скрыжаванні вуліц Леніна і Матросава - касцёл, пабудаваны ў стылі псеўдаготыкі ў пачатку XX ст. Былы заезны дом, - помнік грамадзянскай архітэктуры з рысамі народнага драўлянага дойлідства 2-й паловы XIX ст. Многія населеныя пункты Бераставіцкага раёна таксама маюць даўнюю гісторыю і мноства славутасцяў, культурных, гістарычных і архітэктурных помнікаў. У Бераставіцкім раёне некаторыя былыя паркава-сядзібныя комплексы цяпер з'яўляюцца аб'ектамі рэспубліканскага значэння.