Ваўкавыскі раён Гродзенскай вобласці багаты на архітэктурныя помнікі і славутасці. У самім Ваўкавыску да нашага часу захаваліся двухвежавы фарны касцёл святога Мікалая (XVIII ст.), Вацлаўскі касцёл у класічным стылі (сярэдзіна XIX ст.), цагляная Мікалаеўская царква, дом Баграціёна - сядзібны дом 1805, дзе з 10 па 17 чэрвеня 1812 г. знаходзіўся штаб 2-й Заходняй арміі (з 1949 г. музей), тарцовыя домікі XVIII 1-й палавіны XIX ст. Іншыя гарады і вёскі Ваўкавыскага раёна таксама валодаюць вялікай архітэктурнай, гістарычнай і культурнай спадчынай. Сярод такіх вёсак асабліва вылучаюцца Гнезна, Падароск, Мсцібава, Краскі, Рось, Ізабелін, Воўпа і многія іншыя, у гэтых вёсках ёсць унікальныя старадаўнія касцёлы і цэрквы, сядзібы, званіцы, палацы і іншыя архітэктурныя помнікі і славутасці. У межах Ваўкавыскага раёна больш за 10 каменных могільнікаў яцвягаў. Унікальным археалагічным помнікам, адзіным ва Усходняй Еўропе, з'яўляюцца шахты па здабычы крэменю і размешчаныя побач стаянкі і майстэрні па яго апрацоўцы эпохі каменнага і бронзавага вякоў каля пасёлка Краснасельскі і суседніх з ім вёсак. Захавалася больш за 80 амаль непашкоджаных выпрацовак. У Ваўкавыскім лясніцтве расце цар-дуб, якому 500 гадоў.