Зэльвенскі раён Гродзенскай вобласці Беларусі багаты на архітэктурныя помнікі і славутасці. Асноўнымі славутасцямі самой Зэльвы з'яўляюцца Свята-Траецкая царква (XIX ст.) і касцёл Найсвяцейшай Тройцы (1913), што захаваліся да нашых дзён. На тэрыторыі Зэльвенскага раёна размешчана адна з найважнейшых славутасцяў ўсёй Беларусі: у вёсцы Сынкавічы захавалася старадаўняя царква-крэпасць, меркаваная дата пабудовы якой 1407 год. Даўняе мінулае мае таксама вёска Дзярэчын. Тут захаваліся Спаса-Праабражэнская царква (1863) і касцёл Унебаўзяцця Найсвяцейшай Панны Марыі (1906-1910 гг.). У Зэльвенскім раёне захавалася таксама шмат іншых архітэктурных, культурных і гістарычных каштоўнасцяў і славутасцяў, сярод якіх ёсць цэрквы, касцёлы, сядзібы, паркі, млыны, капліцы і іншае. Захавалася мноства археалагічных помнікаў, якія сведчаць аб старажытнасці населеных пунктаў Зэльвенскага раёна. Прысутнічаюць у Зэльвенскім раёне і прыродныя помнікі: валуны, заказнікі і іншае.