Шчучынскі раён Гродзенскай вобласці Беларусі неверагодна багаты на архітэктурныя помнікі і славутасці. У раённым цэнтры - горадзе Шчучын, захаваліся касцёл, праваслаўны храм, палац і старажытная гарадская забудова. На тэрыторыі Шчучынскага раёна ў вёсцы Мураванка размешчана царква абарончага тыпу, гэты від архітэктурных помнікаў вельмі рэдка сустракаецца ў Беларусі, і таму дадзеная царква ўяўляе сабой каштоўнасць нацыянальнага маштабу. Варта згадаць таксама пра вёску Ражанка, тут захаваўся унікальны касцёл, які вылучаецца сваёй незвычайнай для Беларусі архітэктурай. Таксама трэба не забыць і аб вёсках Жалудок і Галавічполе дзе захаваліся вельмі цікавыя сядзібы. Існуе мноства іншых архітэктурных помнікаў і славутасцяў ў гэтых і іншых вёсках і мястэчках Шчучынскага раёна. Тут можна знайсці мноства выдатных касцёлаў, цэркваў, капліц, сядзібаў і іншага.