Гродзенскі раён вельмі багаты гістарычнымі помнікамі і славутасцямі, сярод якіх асобна вылучаюцца помнікі і турыстычныя аб'екты самаго горада Гродна. У спіс славутасцяў Гродна ўваходзяць такія найважнейшыя для краіны аб'екты архітэктурнай спадчыны як: Каложская царква - адзін з самых старадаўніх будынкаў на беларускай зямлі; фарны касцёл Гродна; манастыр бернардынцаў, цяпер каталіцкая семінарыя; стары і новы замкі Гродна і многія іншыя славутасці гэтага горада. На тэрыторыі Гродзенскага раёна таксама ёсць вельмі шмат славутасцяў і архітэктурных помнікаў розных эпох. Гэта і мноства касцёлаў, цэркваў і капліц, якія ёсць амаль у кожнай вёсцы Гродзенскага раёна; гэта і палацава-паркавы комплекс у вёсцы Свяцк, гэта і сядзіба ў мястэчку Свіслач; гэта і фарты Гродзенскай крэпасці размешчаныя па ўсім раёне і многае іншае. Сярод славутасцяў Гродзенскага раёна асоба вылучаецца таксама Аўгустоўскі канал, што злучае Віслу і Нёман. Для падарожнікаў жадаючых наведаць яго створана неабходная турыстычная інфраструктура. Цэнтры мастацкага рамяства знаходзяцца ў вёсцы Квасоўка і горадзе Скідзель, дзе з даўніх часоў вырабляюць з саломкі, лазы і дрэва посуд, жаночыя сумачкі, абажуры, ткуць пакрывалы, дываны і робяць іншыя прадметы хатняга ўжытку. У Верцялішках наладжаны выпуск ганчарных вырабаў. Мноства іншых архітэктурных, культурных і гістарычных помнікаў і славутасцяў захоўвае на сваёй тэрыторыі Гродзенскі раён.