Мількаўшчына - гэта вёска Гродзенскага раёна, Гродзенскай вобласці Беларусі. Асноўнай славутасцю вёскі Мількаўшчына з'яўляецца Пакроўская царква, якая была пабудавана ў 1904 годзе, і цяпер з'яўляецца помнікам архітэктуры пачатку XX стагоддзя. У савецкія гады, як і многія іншыя цэрквы і касцёлы, царква ў вёсцы Мількаўшчына выкарыстоўвалася пад гаспадарчыя патрэбы. На мяжы стагоддзяў царква была цалкам адноўлена, цяпер яна знаходзіцца ў выдатным стане і функцыянуе.

Вёска Мількаўшчына можа быць цікавая турыстам і па іншай прычыне. Справа ў тым, што ў гэтай вёсцы, некалі быў маёнтак (да нашых дзён не захаваўся), дзе нарадзілася і вырасла Эліза Ажэшка (1841-1910) - знакамітая пісьменніца, публіцыстка, якая большую частку жыцця пражыла ў Беларусі. Да 1852 Эліза Ажэшка жыла ў сядзібе бацькоў і адсюль паехала на вучобу ў Варшаву. Лёс вярнуў яе ў вёску Мількаўшчына ўжо пасля паўстання 1863-1864 гадоў, у якім яна прыняла актыўны ўдзел. Зараз у школе вёскі Мількаўшчына дзейнічае невялікі музей прысвечаны Элізе Ажэшка. А ад сядзібы, дзе яна нарадзілася і вырасла захаваліся толькі фрагменты парку.