Варона

Варона - гэта вёска ў Астравецкім раёне Гродзенскай вобласці Беларусі. Вёска Варона ў ХV стагоддзі называлася Варняны, як і тыя Варняны, якія знаходзяцца ў некалькіх кіламетрах ад сучаснай Вароны. І толькі з сярэдзіны ХVІІ стагоддзя за гэтай вёскай замацавалася цяперашняя назва Варона. Вядома ж, цяпер ва ўсіх слова «варона» асацыюецца толькі з птушкай, але напэўна назва вёскі ніяк не звязана з птушкамі, а паходзіць ад слова «ворны» (пахатны). Гэта значыць, што тут было шмат ральнічых зямель, дзе можна было араць і сеяць. Таксама, магчыма, назва гэтай вёскі паходзіць ад слова «вароўны», што значыць «ахоўнік».

Варона

Варона

Мабыць, у канцы ХVI або ў пачатку ХVII стагоддзя ў вёсцы Варона заклалі цагляны кальвінскі збор, дакладных звестак пра абставіны яго будаўніцтва не захавалася, у прыватнасці з-за блытаніны ў назвах. Пазней, у 1680-х гадах дадзены храм быў пераасвячоны ў касцёл Святога Юрыя віленскім біскупам, аднак аблічча ранейшага пратэстанцкага храма заўважаецца да нашага часу. У савецкі час касцёл у вёсцы Варона быў разбураны, засталіся адны сцены. Зараз касцёл Святога Юрыя звонку адрамантаваны - унутры рэстаўрацыйныя работы працягваюцца. Касцёл Святога Юрыя быў вельмі багатым, яму належала шмат зямель у ваколіцах Вароны, а на возеры калісьці стаяў вадзяны млын, які таксама належаў касцёлу. Але колы млына ўжо не круцяцца, ад яго засталіся адны камяні.

Каментары  

0 # Jan 2015-12-14 03:26
Паходжаньне назвы Варона можа быць і не беларускае, але літоўскае. Большасьць назваў у навакольлі менавіта літоўскага паходжаньня. Тыя самыя Варняны напрыклад.
Адказаць | Паведаміць мадэратару