Навагрудак

Навагрудак - гэта горад Гродзенскай вобласці Беларусі, адміністрацыйны цэнтр Навагрудскага раёна. Горад Навагрудак, гэта першая сталіца ВКЛ і адзін з самых старажытных гарадоў Беларусі. У Навагрудку захавалася вельмі шмат унікальных архітэктурных помнікаў і найважнейшых славутасцяў. Асноўнай славутасцю горада Навагрудак з'яўляецца замак, які існаваў тут ўжо ў XII стагоддзі. У XIII-XVI стагоддзях, гэты замак мадэрнізаваўся і дабудоўваўся, яго таксама неаднаразова аднаўлялі пасля войнаў, такім чынам яго аблічча паступова змянялася. На жаль, Навагрудскі Замак амаль не захаваўся да нашых дзён, ён быў разбураны шведамі ў пачатку 18-га стагоддзя. Ад замка ў Навагрудку захаваліся толькі руіны двух манументальных вежаў, і часткова падмуркі замкавых муроў. Нядаўна руіны Навагрудскага Замка былі ў чарговы раз закансерваваны. Тое, як выглядаў Навагрудскі Замак у часы свайго росквіту лепш за ўсё апісвае наступны малюнак. Дадзены малюнак, гэта сучасная рэканструкцыя вонкавага выгляду замка ў Навагрудку ў часы сярэднявечча.

Навагрудак

Руіны замка ў Навагрудку гэта выбітная славутасць, вельмі важная гістарычная каштоўнасць і адзін з найкаштоўнейшых архітэктурных помнікаў ўсёй Беларусі. Фрагменты замка ў Навагрудку размешчаны на высокім пагорку, які ганарліва называюць "Замкавай гарой", таму вежы замка бачныя вельмі здалёк. Пад'язджаючы да Навагрудка і бачачы гэтыя магутныя вежы, можна сабе ўявіць як грозна і страшэнна калісьці выглядаў гэты манументальны і непрыступны замак.

Навагрудак

Навагрудак

Але, як ужо было сказана, у Навагрудку ёсць шмат іншых вельмі важных гістарычных каштоўнасцяў і славутасцяў. Першая з іх, гэта касцёл Перамянення Пана (фарны). Гэты храм узведзены ў 1714-23 гадах на месцы заснаванага ў 1395 аднаго з самых першых беларускіх касцёлаў, ад якога ён атрымаў у спадчыну частку падмуркаў і сцен. У старым будынку гэтага касцёла ў 1422 адбыўся гістарычны шлюб Ягайлы і Сафіі, пра які апавядае мемарыяльная пліта, умураваная ў сцяну касцёла. Гэты касцёл у Навагрудку размешчаны прама каля замка, на невялікім асобным ўзвышшы. Дадзены касцёл з'яўляецца важным архітэктурным помнікам 18-га стагоддзя і знаходзіцца ў добрым стане.

Навагрудак

Навагрудак

У горадзе Навагрудак ёсць і яшчэ адзін старадаўні касцёл - касцёл Святога Міхаіла Арханёла, які быў пабудаваны тут у самым пачатку 18-га стагоддзя. Гэты касцёл быў заснаваны ў Навагрудку пры кляштары. На жаль, ні сам кляштар, ні кляштарныя карпусы не захаваліся да нашага часу. Гэты касцёл, таксама з'яўляецца важнай гістарычнай каштоўнасцю 18-га стагоддзя, ён цалкам адрэстаўраваны і знаходзіцца ў выдатным стане.

Навагрудак

Наступнай вельмі важнай славутасцю горада Навагрудка з'яўляецца старадаўняя Барысаглебская царква. Гэтая царква была пабудавана ў горадзе Навагрудак ў 1519 годзе. Яна мела нават некаторыя абарончыя функцыі. Дадзеная царква ў Навагрудку была ўзведзена пры кляштары, які функцыянуе да нашых дзён. Як бачым, царкве гэтай ужо амаль пяцьсот гадоў, таму яна з'яўляецца найкаштоўнейшым архітэктурным помнікам Беларусі і вельмі важнай славутасцю. Царква добра захавалася.

Навагрудак

Ёсць у горадзе Навагрудак і яшчэ адна царква - царква Святога Мікалая. Будынак гэтай царквы ў Навагрудку быў пабудаваны ў сярэдзіне 18-га стагоддзя. Гэтая царква таксама з'яўляецца цікавай славутасцю, і карыстаецца папулярнасцю ў турыстаў. Царква знаходзіцца ў выдатным стане.

Навагрудак

Горад Навагрудак знакаміты і яшчэ па адной прычыне. Справа ў тым, што тут прайшло дзяцінства Адама Міцкевіча - вялікага польска-беларускага паэта. Тут ён быў ахрышчаны, тут ён атрымаў першую адукацыю. Зараз у Навагрудку ёсць выдатны дом-музей прысвечаны Адаму Міцкевічу. Гэты дом адноўлены на месцы і па ўзоры дома, дзе калісьці жылі бацькі паэта. Сам дом, яго знешняе і ўнутраннае аблічча вельмі добра перадаюць атмасферу першай паловы 19-га стагоддзя, калі жыў і тварыў Адам Міцкевіч.

Навагрудак

У горадзе Навагрудку таксама маецца і помнік Адаму Міцкевічу. Ну і нарэшце, у яго гонар у Навагрудку на ўзгорку размешчаным побач з замкам насыпаны курган, які называюць "Курган Бессмяротнасці". З вяршыні гэтага кургана адкрываецца цудоўны від на наваколле, якое бачна на вельмі вялікую адлегласць. Па меншай меры візуальна, гэта месца здаецца самым высокім на ўсёй агляднай мясцовасці.

Навагрудак

Як ужо згадвалася, горад Навагрудак вельмі старадаўні. Таму тут вядома ёсць яшчэ некаторая колькасць цікавых гістарычных будынкаў. Сярод гэтых будынкаў прысутнічаюць: чыгуначная станцыя, гандлёвыя рады і радавая забудова. Усе гэтыя аб'екты адносяцца да канца 19-га, пачатку 20-га стагоддзя. Таксама ў Навагрудку ёсць невялікая, але прыкметная капліца 1858 года пабудовы, і старажытны курган, які называюць "Гара Міндоўга". Дадзеныя невялікія славутасці добра дапаўняюць атмасферу Навагрудка, як прыгожага і старажытнага беларускага горада. Наогул кажучы, горад Навагрудак, гэта жамчужына ў беларускай гісторыка-культурнай спадчыне. Праз гэты горад праходзіць мноства экскурсій, яго вельмі актыўна наведваюць турысты. Тут ёсць дзе затрымацца, і на што паглядзець, тут можна з вялікай цікавасцю правесці цэлы дзень. Акрамя таго, трэба сказаць, што горад Навагрудак, хоць і не вельмі вялікі, тым не менш гатовы прапанаваць турыстам усю неабходную інфраструктуру. Тут ёсць і гасцініцы, і кафэ, і банкаматы і ўсе астатнія неабходныя аб'екты сэрвісу.

Навагрудак

Навагрудак

Навагрудак

Навагрудак

 

Замалёўкі Напалеона Орды, Навагрудак:

Замалёўкі Напалеона Орды, Навагрудак